ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը ֆեյսբուքի իր էջում Հայաստանի ու Ադրբեջանի ռազմական ծախսերի գծապատկերն է հրապարակել՝ անցած 20 տարիների կտրվածքում ու գրել.
«Կարմիրով Ադրբեջանի ռազմական ծախսերն են, կապույտով՝ Հայաստանի:
Էն որ մեկ-մեկ 20 տարի տևած խաղաղության ու 20 տարի Արցախ պահած լինելու մասին են զառանցում, այ այդ տարիների պատկերն է:
Դուք 20 տարի ժամանակ եք ձգել ի վնաս մեզ, ձեր 20 տարիները ռազմական բալանսի անվերադարձ խախտման տարիներ էին, տարիներ էին, որոնց ընթացքում Ադրբեջանի միայն ռազմական բյուջեն Հայաստանի ողջ բյուջեն էր գերազանցում:
Տարիներ էին, որոնց ընթացքում Ադրբեջանը մինչև ատամները զինվում էր, իսկ Հայաստանում դուք զբաղված էիք՝ փողերը Լոսերում ու Աթենքներում առանձնատներ և Բադեն-Բադեններում թավանի գումարներ հասցնելով»:
