Վերաքննիչ դատարանում այսօր տհաճ միջադեպ է տեղի ունեցել։ Քաշքշուկ է սկսվել այն բանից հետո, երբ դատավորը հորդորել է զոհված զինծառայողների հարազատներին տեղից չարձագանքել և պահպանել դատարանում ընդունված կանոնները, որից հետո հարազատները «թուրքեր», «թուրքի լամուկներ» վանկարկելով քաշքշուկ են սկսել։ Նրանց պնդմամբ դատավորը իրավունք չունի իրենց զրկել ձայնի իրավունքից։
Ամենայն հարգանքով և վշտակցությամբ նրանց կորստին, սակայն օրենքը և կանոնակարգը պետք է հավասարապես տարածվի բոլորի վրա։ Եթե զոհված զինծառայողների հարազատները դատական կարգով փորձում են իրենց հարցերին պարզաբանում ստանան ապա պետք է նաև հարգեն օրենքը։ Նամանավանդ այն պարագայում, երբ նրանց ձայնը մշտապես լսելի է պատկան բոլոր մարմինների կողմից։ Նրանք և առաջի ու երկրորդ պատերազմներին մասնակցություն ունեցող քաղաքացիները հայրենիքի պաշտպանության համար տվել են ամենաթանկը՝ առողջությունը, կյանքը, սակայն դա չի կարող լինել ինդուլգենցիա ապօրինություններ կատարելու և պատժի չարժանանալու համար։
