«Եվրոպական քաղաքակրթությունը չի կարող վերապրել Ռուսաստանի ներխուժումն Ուկրաինա, բայց Եվրոպան ունի ավելի շատ մեխանիզմներ՝ ազդելու Ռուսաստանի նախագահ Պուտինի վրա, քան կարծում են արևմտյան առաջնորդները». այս մասին հայտարարել է ամերիկացի միլիարդատեր Ջորջ Սորոսը՝ շվեյցարական Դավոսում Համաշխարհային տնտեսական ֆորումի շրջանակներում իր ավանդական ելույթում։
Սորոսի խոսքով՝ Ուկրաինայի պատերազմը հիմքից ցնցել է Եվրոպան։
«Այս ներխուժումը կարող է լինել Երրորդ համաշխարհային պատերազմի սկիզբը: Մենք պետք է մոբիլիզացնենք մեր բոլոր ռեսուրսները, որպեսզի հնարավորինս շուտ ավարտենք պատերազմը: Մեր քաղաքակրթությունը փրկելու լավագույն և, գուցե, միակ ճանապարհը Պուտինին, որքան հնարավոր է շուտ, հաղթելն է»,- հավելել է Սորոսը։
