Զոյա Թադևոսյանը ֆեյսբուքյան իր էջում գրել է․
Ժողովրդավարությունն ունի պահապանների հզոր բանակ: Ժողովուրդն է: Այդ ժողովուրդը թանկ, շատ թանկ գին է վճարել իր իշխանությունը հաստատելու համար:
Տառապել է, մաքառել, հանդուրժել, դառնացել, հուսատվել է, երբ օտարի վարձկանները խլել են իր իրավունքները: Մարդավայել ապրելու, երեխաներով երջանկանալու իրավունքը: Բայց չի վհատվել:
Քարից հաց է քամել՝ ամուր կառչելով իր հողին:
Ժողովուրդը, իմ արժանապատիվ, բարի, ազնիվ, արիասիրտ հայը:
Դիմակայել է ագահին, ստախոսին, թալանչուն, պոռոտախոսին, անբարոյականին, բախտագուշակների դռները քերող իշխանավորին: Բռունցքվել ու հաղթել է:
Տառապանքով ձեռք բերվածն անգին է:
Հույսներդ կտրե՛ք և պապանձվե՜ք, հայրենադավ թափաննե՛ր:
