ՀՀ Ազգային ժողովի նախագահի խոսնակ Ծովինար Խաչատրյանը Civic.am-ի հետ զրույցում հերքել է տեղեկությունը, թե Ռուսաստանի Պետական Դումայի նախագահ Վյաչեսլավ Վոլոդինը, իբր, չեղարկել է այցը Հայաստան։
«Տեղեկատվությունն ամբողջությամբ սուտ է։ Այս ժամանակահատվածում Վոլոդինի այց Հայաստան չի նախատեսվում։ Վյաչեսլավ Վոլոդինը լինելու է Հայաստանում հունիսին պաշտոնական այցով։ Նա նաև մասնակցելու է ՀԱՊԿ խորհրդարանական վեհաժողովի նիստին նախագահողի կարգավիճակով», — ասաց Ծովինար Խաչատրյանը։
