Գարիկ Ղազարյանը գրում է.
Ընկերներ, հարազատներ եւ սիրելի հայրենակիցներ
Ցանկանում եմ Ձեզ տեղեկացնել, որ դուրս եմ եկել Հանուն Հանրապետության կուսակցությունից, որի հիմնադիր եւ Ղեկավար Մարմնի, այնուհետ Քաղաքական Խորհրդի անդամն էի:
Որոշմանս կայացման պատճառները շատ են, բայց հիմնականը` որ պիտի կարողանայի այդ կազմակերպության շնորհիվ իրագործել կամ պատշաճ ծառայեցնեի պոտենցիալս Հանուն Հանրապետության, անկեղծ ասած մի շարք օբյեկտիվ եւ սուբյեկտիվ պատճառներով արդեն անհնար էր թվում, ինչի մասին չեմ ցանկանում հրապարակավ խոսել:
Այդուհանդերձ, այնտեղ հավաքված են հիանալի մարդիկ, որոնց հետ գուցե կարճ, բայց բովանդակալից ճանապարհ եմ անցել, հուսամ` նրանց կհաջողվի իրապես համախմբվել մեկ գաղափարի շուրջ, ճիշտ իրացնել իրենց պոտենցիալը, կրթվել, աճել, զարգանալով զարգացնել եւ օգտակար լինել մեր հանրապետությանը:
Իսկ ես վստահեցնում եմ բոլորիդ` որտեղ էլ, որ լինեմ, ինչ բնագավառում աշխատեմ եւ գործունեություն ծավալեմ, ինչ ձեռքբերումներ էլ ունենամ, այն պատասխանատու կերպով մաքսիմալ ծառայեցնելու եմ
Հանուն Հանրապետության:
