Հայաստանում խարխափելով աննպատակ դեգերում է անցյալի քաղաքական ուրվականը։
Այս մասին ֆեյսբուքյան իր էջում՝ անդրադառնալով ընդդիմության ակցիաներին ու ցույցերին, գրել է ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը՝ շարունակելով.
«Թալանի այդ տխուր խրտվիլակը, հագած նոր ժամանակների հանդերձանք, հեղափոխական կեղծավորությամբ փորձում է մոլորեցնել մեր ժողովրդին՝ ինչպես տասնամյակներ շարունակ է արել։
Մի՛ վիրավորեք մեր ժողովրդի բանականությունը, տիկնա՛յք և պարոնա՛յք։
Դուք կենդանի հուշարձան եք։ Դուք կաք, որ մարդկանց հիշեցնեք, թե այլևս ինչպիսին չի կարելի լինել։ Դուք դաս եք, որը մեր ժողովուրդը սերտել է։
Հայաստանում իշխանությունը պատկանում է ժողովրդին և այդ իշխանությունը անբեկանելի է»:
