Լեռնային Ղարաբաղի հիմնախնդրի կարգավորման թիվ մեկ շահառուն Արցախն է եւ Արցախի ժողովուրդը:
Այս մասին այսօր ասել է ՀՀ վարչապետ Նիկոլ Փաշինյանը Արցախի կառավարության անդամների հետ հանդիպմանը՝ հավելելով, որ անտրամաբանական է երևեկայելն այն մասին, որ Արցախի հարցով ծածուկ որոշումներ կլինեն:
ՀՀ վարչապետը հավելել է, որ մշտական կապի մեջ է Արցախի նախագահի հետ, իսկ խաղաղության օրակարգը միայն այնտեղ ապրող բնակչության խաղաղության ապահովման համար է:
Հանդիպմանը մասնակցել է նաև Արցախի նախագահ Արայիկ Հարությունյանը:
Ֆեյսբուքյան իր էջում հայտնելով հանդիպման մասին՝ Նիկոլ Փաշինյանը նշել է, որ քննարկել են Արցախում իրականացվող ծրագրերի ընթացքն ու առկա խնդիրների լուծման ուղիները:
Ի պատասխան վարչապետի խոսքերի՝ ԱՀ նախագահը հայտնել է, որ Արցախի ժողովուրդը պաշտպանում է խաղաղության օրակարգը, քանի որ նրանից լավ ոչ ոք չի պատկերացնում խաղաղության արժեքն ու նշանակությունը:
Մանրամասները՝ տեսանյութում.
