ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը ֆեյսբուքի իր էջում գրել է.
«44 օրյա պատերազմից հետո շատ է խոսվում աշխարհազորի դերի ու նշանակության վերանայման, այլ երկրներում, մասնավորապես Շվեյցարիայում և Ֆինլանդիայում կիրառվող մոդելների հնարավոր տեղայնացման մասին։
DCAF-ի կազմակերպած ճանաչողական այցի շրջանակներում այսօր հնարավորություն ունեցանք լսել ֆինն ռազմական փորձագետ Միկա Քերթունենի և շվեյցարացի գեներալ, ավագ ռազմական խորհրդական Քլաուդ Մեյերի զեկույցը իրենց երկրներում պահեստազորի և աշխարհազորի դերի ու նշանակության, պրոֆեսիոնալ և ժամկետային բանակների տարբերությունների և դրանց զուգակցման մասին։
Շատ հետաքրքիր և կարևոր քննարկում էր ոլորտում նման առաջատար երկրների փորձի ուսումնասիրման տեսանկյունից։
Լուսանկարում՝ DCAF ղեկավար Թոմաս Գերբեր և գեներալ-մայոր Քլաուդ Մեյեր»։
