Ապրիլի 24-ին Բեյրությում տեղի է ունեցել Մեծի Տանն Կիլիկիո կաթողիկոսարանի «Շնորհալի» երգչախմբի համերգը՝ նվիրված Հայոց ցեղասպանության 107-ամյակին։
Համերգի ժամանակ կաթողիկոս Արամ Առաջինը երգչախմբի և դահլիճի հետ միասին երգել է «Հայե՛ր, միացե’ք» :
Ապրիլի 24-ը Հայոց ցեղասպանության զոհերի հիշատակի օրն է:
Բազմահազար մարդիկ՝ Հայաստանից, Լեռնային Ղարաբաղից, Սփյուռքից, օտարերկրյա հյուրեր այսօր Երևանում այցելում են Ծիծեռնակաբերդի հուշահամալիր, հարգանքի տուրք մատուցում 20-րդ դարի սկզբին Ցեղասպանության զոհ դարձած ավելի քան մեկուկես միլիոն հայերի հիշատակին:
Օսմանյան Թուրքիայում հայերի դեմ իրականացված ցեղասպանության 107-րդ տարելիցին ընդառաջ` երեկ Հայաստանում, Արցախում ջահերով երթեր ընթացան:
Նախորդ տարի ԱՄՆ նախագահ Ջո Բայդենը ապրիլի 24-ին` առաջին անգամ ԱՄՆ պատմության մեջ, նախագահական ուղերձով ճանաչեց մեկուկես միլիոն հայերի ցեղասպանությունը Օսմանյան կայսրությունում:
