Էստոնիայի խորհրդարանը Ռուսաստանի գործողությունները Ուկրաինայում անվանել է ցեղասպանություն:
Այս մասին հայտնում է ՌԻԱ Նովոստի-ն։ «Խորհրդարանը ճանաչում է Ռուսաստանի զինված ուժերի և ռազմաքաղաքական ղեկավարության գործողությունները որպես ցեղասպանություն՝ ուկրաինացի ժողովրդի դեմ: Ռուսաստանի քաղաքական և ռազմական ղեկավարությունը պետական քարոզչության հետ միասին գաղափարապես ներում է այդ հանցագործությունները:
Խորհրդարանը նաև կոչ է անում համագործակցել այլ պետությունների հետ և ստեղծել միջազգային դատարան՝ ռուսների հանցագործությունները բացահայտելու և պատժելու համար»,- ասված է փաստաթղթում, որը մեջբերում է Էստոնիայի խորհրդարանի մամուլի ծառայությունը։
Էստոնացի պատգամավորները նաև կոչ են արել աշխարհի երկրներին անհապաղ խստացնել Ռուսաստանի դեմ պատժամիջոցները, հրաժարվել Ռուսաստանի էներգիայից, ինչպես նաև մեծացնել Ուկրաինային ռազմական և հումանիտար օգնությունը։
