«Վաշինգտոնը նշաններ է տեսնում , որ Չինաստանի ժողովրդական ազատագրական բանակը աջակցում է Ռուսաստանի Դաշնության զինված ուժերին»: Այս մասին հայտարարել է ԱՄՆ պետքարտուղարի տեղակալ Վենդի Շերմանը, փոխանցում է ամերիկյան լրատվամիջոցները։
Շերմանի խոսքով, այդ կապակցությամբ ԱՄՆ նախագահ Ջո Բայդենն ուղիղ զրուցել է Չինաստանի նախագահ Սի Ցզինպինի հետ , ԱՄՆ նախագահի խորհրդական Ջեյք Սալիվանը ՝ Յան Ցզեչի հետ, իսկ ԱՄՆ պետքարտուղար Էնթոնի Բլինքենը՝ Չինաստանի արտգործնախարար Վան Յիի հետ։
«Ես ինքս խոսել եմ մեկից ավելի չինացի պաշտոնյայի հետ: Մենք ուղղակիորեն ասում ենք նրանց , որ դուք շատ լավ տեսնում եք թե ինչ ենք մենք արել պատժամիջոցների միջոցով Ռուսաստանին , սա պետք է նրանց պատկերացում տա, թե ինչ կարող ենք անել մենք նրանց հետ , եթե Չինաստանն իսկապես նյութական աջակցություն ցուցաբերի Ռուսաստանին։
Չինաստանն արդեն անում է այնպիսի բաներ, որոնք չեն բարելավում իրավիճակը: Պեկինը ձգտում է խաթարել հենց այն համակարգը, որից շահել է»,- ասել է ԱՄՆ պետքարտուղարի տեղակալ Վենդի Շերմանը:
