«Պայքարը սկսեցի Նիկոլ Փաշինյանի հայտնի ելույթից հետո: Այդ ելույթը անվանեցին՝ Հայաստանի և Արցախի մահախոսական, դա կոչել են՝ Երրորդ Հանրապետության վերջին ելույթ, բայց կարևոր չի, թե ինչ անվանումներ են տվել, կարևորն այն ազդակներն էին, որոնք պարունակում էր այդ ելույթը»,-այս մասին ասաց «Հայրենիք» կուսակցության առաջնորդ, Ազգային ժողովի «Պատիվ ունեմ» խմբակցության պատգամավոր Արթուր Վանեցյանը:
Նրա խոսքով՝ ամենազարհուրելին և վրդովվեցնողն այն է եղել, երբ վարչապետն ասաց, թե՝ «նույն իրավիճակը կարող էր լինել, բայց առանց զոեհերի»: Ըստ Վանեցյանի՝ դա է եղել վերջին կետը, ու էլ հետադարձ ճանապարհ չկա:
