Ֆրանսիացի դերասան Պիեռ Ռիշարը դիմել է ՌԴ նախագահ Վլադիմիր Պուտինին՝ խնդրելով դադարեցնել պատերազմն Ուկրաինայում: Տեսանյութը հրապարակել է Ուկրաինայի ՆԳՆ ղեկավարի խորհրդական Անտոն Գերաշչենկոն։
«Պատերազմը վերածվել է ջարդերի ու բարբարոսության, որոնց համար արդարացում չկա»,-նշել է նաև ու հավելել, որ հիացած է ուկրաինացիների խիզախությամբ։
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
Մանրամասները՝ տեսանյութում։
