ԱԺ «Քաղաքացիական պայմանագիր» խմբակցության պատգամավորներն այսօր Շիրակի մարզ կատարած աշխատանքային այցի շրջանակներում եղել են նաև Արթիկ խոշորացված համայնքում: Այս մասին ֆեյսբուքյան իր էջում տեղեկացնում է ԱԺ պատգամավոր Արսեն Թորոսյանը:
«Արթիկում այցելել ենք զրոյից կառուցվող դպրոցի շինհրապարակ։ Նաև եղել ենք մեկ այլ դպրոցում, որտեղ կառավարության աջակցությամբ տանիքի վերանորոգման աշխատանքներ կիրականացվեն։
Այցելել ենք նաև Արթիկի բժշկական կենտրոն և խոսել հնարավոր նոր բժշկական կենտրոնի կառուցման մասին։ Համայնքապետարանը խոստացել է, որ կլուծի հողի տրամադրման հարցը, որից հետո մենք կդիմենք կառավարությանը՝ նոր կառուցվող բժշկական կենտրոնների ցանկում ընգրկելու համար»,-ասված է գրառման մեջ։
Այցի ավարտին պատգամավորները հադիպել են Արթիկի համայնքապետարանի աշխատակազմի ու վարչական շրջանների ղեկավարների հետ, քննարկել համայնքի խնդիրները:
Ավելի վաղ հայտնել էինք՝ Շիրակի մարզպետ Նազելի Բաղդասարյանի հրավերով ԱԺ «Քաղաքացիական պայմանագիր» խմբակցության տասնյակից ավելի պատգամավորներ այսօր այցելել են Գյումրի:
