Դոնեցկի կենտրոնում հզոր պայթյուն է որոտացել, հայտնում է ՌԻԱ Նովոստիի թղթակիցը։ Պայթյունը որոտացել է կառավարության շենքից մի քանի տասնյակ մետր հեռավորության վրա։
Ավելի վաղ ինքնահռչակ հանրապետության իշխանությունները պաշտոնական աղբյուրներով տեղեկատվություն էին տարածել բնակիչների տարհանման վայրերի և ժամերի մասին։
Քաղաքի յուրաքանչյուր թաղամասում ստեղծվել են կետեր, որտեղ մարդիկ կսպասեն ավտոբուսների։ Այժմ մանկատների երեխաները պատրաստվում են հեռանալ քաղաքից։
