Ռուսաստանում 2021 թվականի նոյեմբերին կորոնավիրուսային հիվանդության հետևանքով մահացել է 71 187 մարդ, ինչը ամենաբարձր ամսական ցուցանիշն է համաճարակի սկզբից ի վեր։ Այս մասին հինգշաբթի՝ դեկտեմբերի 30-ին, հայտնել է «Նովայա գազետա»-ն՝ վկայակոչելով ՌԴ Պետական վիճակագրական ծառայության տվյալները։
Գործակալությունը նշում է, որ նոյեմբերի թիվը գրեթե 16%-ով գերազանցում է հոկտեմբերի ցուցանիշը, որը ռեկորդային է եղել համաճարակի սկզբից ի վեր:
Բացի այդ, նոյեմբերին գրանցվել է հիվանդների մահվան 1,4 հազար դեպք, որոնց մոտ COVID-19-ը եղել է ուղեկցող հիվանդություն, սակայն չի ազդել մահվան վրա։
Իր հերթին, Ռուսաստանի Դաշնության փոխվարչապետ Տատյանա Գոլիկովան ասել է, որ 2021 թվականի նոյեմբերին Ռուսաստանում մահացությունը 2020 թվականի նոյեմբերի համեմատ աճել է 17 տոկոսով։
Նա պարզաբանել է, որ այդ ամիս մահացության ընդհանուր աճի 100%-ը վերագրվում է COVID-19-ին։
Ավելի վաղ Rosstat-ը հայտնել էր, որ COVID-19-ը դարձել է հոկտեմբերին 58,822 ռուսաստանցիների մահվան հիմնական պատճառը։ Սեպտեմբերին Ռուսաստանում COVID-19-ից ավելի քան 40 հազար մարդ էր մահացել։
Ավելի վաղ ԱՀԿ-ն հայտնել էր, որ վերջին օրերին կորոնավիրուսով հիվանդացության ռեկորդային ցուցանիշները առաջացրել են երկու շտամները՝ «Դելտան» և «Օմիկրոնը»՝ առաջացնելով ցունամի։
