Իրանի նախագահ Էբրահիմ Ռաիսին պատրաստվում է այցելել ՌԴ։ Այս մասին գրում է «Ինտերֆաքս»-ը։
Մոսկվայում իր աղբյուրին վկայակոչելով՝ գործակալությունը հայտնում է, որ այցը նախատեսվում է հունվարի 19-ին։
Ավելի վաղ Կրեմլի խոսնակ Դմիտրի Պեսկովը հայտնել էր, որ Ռուսաստանի Դաշնության և Իրանի ղեկավարների միջև բանակցություններ են նախապատրաստվում։ ՌԴ նախագահ Վլադիմիր Պուտինն էլ ասել էր, որ հույս ունի՝ Ռաիսիի այցը Ռուսաստան տեղի կունենա 2022 թվականի սկզբին։
