1991թ․ դեկտեմբերի 25-ին՝ 30 տարի առաջ այս նույն օրը, ԱՄՆ նախագահ Ջորջ Բուշ Ավագը ամերիկյան ժողովրդին ուղղված ուղերձով հայտնեց Խորհրդային Միության կազմալուծման և Միացյալ Նահանգների կողմից Հայաստանի անկախությունը ճանաչելու մասին։
Այս մասին գրված է ՀՀ-ում ԱՄՆ դեսպանության ֆեյսբուքյան էջում: Գրառման մեջ նաև ասված է.
«Հայ-ամերիկյան հարաբերությունների պատմությունը սակայն շատ ավելի վաղ է սկիզբ առել: 1918-20թթ․ կարճ ժամանակով Հայաստանը հռչակվեց անկախ հանրապետություն և Միացյալ Նահանգները 1920թ․ ապրիլի 23-ին ճանաչեց Հայաստանի Հանրապետության անկախությունը»:
