Ռոշչինո օդանավակայանի կայքի տվյալների համաձայն՝ չվերթի պլանային մեկնումը պետք է տեղի ունենար դեկտեմբերի 25-ին՝ ժամը 07:20-ին (Մոսկվայի ժամանակով 05:20-ին), այն հետաձգվել է մինչև 17:00-ն (Մոսկվայի ժամանակով 15:00-ին):
Ուրալի տրանսպորտային դատախազությունը ՏԱՍՍ-ի հետ զրույցում հաստատել է տեղեկությունը, որ թռիչքը հետաձգվել է օդանավի տեխնիկական անսարքության պատճառով։ Գերատեսչությունից հայտնել են նաև, որ օդանավի տեխնիկական անսարքության պատճառը կարող է լինել շարժիչի լարումը։
Utair-ի մամուլի ծառայությունը հայտնել է, որ միջադեպը տեղի է ունեցել ինքնաթիռի թռիչքի նախապատրաստման ժամանակ։ «Թռիչքին նախապատրաստվելիս եղանակային պայմաններով պայմանավորված, շարժիչը լարվել է, լսվել է պայթյունի ձայն: Անվտանգության նկատառումներից ելնելով հրամանատարը որոշել է վերադառնալ կայանատեղի:
Ըստ կանոնների՝ ավիաընկերությունը փոխարինում է օդանավը, իսկ ուղևորներին տրամադրվում է հյուրանոց, սնունդ և խմիչք: Պահուստային ինքնաթիռի ժամանումը սպասվում է, մեկնումը նախատեսված է տեղական ժամանակով 17:00-ին»,-ասել է գործակալության աղբյուրը՝ հավելելով, որ Utair-ի մամուլի ծառայությունը հերքում է ցանցերում ավելի վաղ տարածված՝ շարժիչի պայթյունի մասին տեղեկությունը։
