Երեկ հայտնի դարձավ, որ Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց է սկսել:
Հանրության լայն շրջանակներում ու ու սոցցանցերի տարբեր հարթակներում սկսեց քննարկվել այն հարցը, թե արդյոք Հայկ Մարությանը, ում նույն ՔՊ-ն ու Նիկոլ Փաշինյանը դերասանից սարքեցին քաղաքապետ, պետք է շարունակի ղեկավարել քաղաքապետի պաշտոնում։
Այս ամենին զուգահեռ թերևս պետք է չմոռանալ մի անհերքելի փաստի մասին։
2018-ին՝ Հեղափոխությունից հետո անգամ եթե Փաշինյան Նիկոլի ռյուկզակը առաջադրվեր քաղաքապետի պաշտոնում, ապա միանշանակ կհաղթեր ընտրություններում։ Այն, որ Հայկ Մարությանն այսօր քաղաքապետ է, դա միայն և միայն Նիկոլի Փաշինյանի ու հեղափոխական թիմի շնորհքն է։ Բայց ստացվեց, որ Հայկ Մարությանն այսօր դեմ է դուրս եկել իրեն դերասանից քաղաքապետ սարքող նույն Փաշինյանին ու հեղափոխական թիմին։
