ՀՀ ԱԺ «Պատիվ ունեմ» խմբակցության ղեկավար, «Հայրենիք» կուսակցության նախագահ Արթուր Վանեցյանը հրավիրվել է ԱԱԾ հարցաքննվելու։
Sputnik Արմենիայի հետ զրույցում այս մասին ասաց կուսակցության մամուլի խոսնակ Սոս Հակոբյանը։
«Նա կանչվել է որպես վկա` մեծ հաշվով իրեն չվերաբերող քրեական գործով։ Այլ մանրամասներ չեմ կարող հաղորդել, քանի որ գաղտնիք է համարվում»,– նշեց Հակոբյանը։
Հարցին, արդյոք կարելի է այս ամենը դիտարկել որպես քաղաքական հետապնդում ընդդիմադիր գործչի նկատմամբ, կուսակցության մամուլի խոսնակը նշեց, որ գործը գաղտնի է, ու չի ցանկանում կապել այդ ամենը։
