Այսօր արտառոց դեպք է տեղի ունեցել Արագածոտնի մարզի Եղիպատրուշ գյուղում: Գայլերի ոհմակը հոշոտել է ոչխարների հոտը:
«Հայկական ժամանակ»-ին ահազանգած գյուղացիները հայտնեցին, որ մոտավորապես 7- 8 գայլ հարձակվել է եւ հոշոտել 7 ոչխար, իսկ 8-ին էլ վնասել:
Գյուղացիների խոսքով՝ գիշատիչ կենդանիները զգալի վնաս են հասցրել իրենց: Նրանք նաեւ նշեցին, որ հովիվը, որը արածեցնելիս է եղել ոչխարներին միայնակ լինելու պատճառով չի կարողացել որեւէ քայլ ձեռնարկել կատարվածը կանխելու համար:
