Ադրբեջանի արտգործնախարար Ջեյհուն Բայրամովը հեռախոսազրույց է ունեցել ԱՄՆ պետքարտուղարի Եվրոպայի և Եվրասիայի հարցերով օգնական Կարեն Դոնֆրիդի հետ, գրում է report.az-ը՝ վկայակոչելով Ադրբեջանի ԱԳՆ-ին։
Կողմերը մտքեր են փոխանակել տարածաշրջանում տիրող իրավիճակի, այդ թվում՝ Հայաստանի և Ադրբեջանի միջև հետհակամարտային հարաբերությունների կարգավորման շուրջ բանակցությունների ներկա վիճակի վերաբերյալ։
Կարեն Դոնֆրիդը հարաբերությունների կարգավորման ուղղությամբ դրական քայլ և առաջընթաց է որակել՝ Ադրբեջանի կողմից հայազգի 10 զինծառայողների վերադարձը՝ Երևան, ինչպես նաև, Հայաստանի կողմից Ադրբեջանին ականապատ քարտեզների տրամադրումը։
