«Հայկ Ստեփանյանը ֆեյսբուքյան իր էջում գրում է․
Այս ամենի մեջ ինձ հետաքրքրում է մեկ հարց։ Ինչպե՞ս մի գյուղում, որտեղ 2018 թվականից հետո բազմաթիվ բարեփոխումներ է իրականացվել պետության կողմից, որտեղ կառուցվել է առաջին մանկապարտեզը, ընտրեցին ուժին, որի ներկայացուցիչը հենց նույն գյուղի դպրոցի բակում սեփական առանձնատունն է կառուցել։
Սա ասում եմ մեկ գյուղի օրինակով, բայց պատկերը ավելի մտահոգիչ է դառնում, երբ հասկանում ես, որ համայնքը ընտրեց տասնյակ տարիներ իրեն ահաբեկողներին և իրեն ստրկացնողներին։
Սա լրջագույն արժեհամակարգային խնդիր է։ Սրանից հետևություններ է անհրաժեշտ անել ու շատ արագ։ Այսպես թե այնպես մեղավորը Ժողովուրդը չէ։
Իշխանությունը ինչ որ տեղ, ինչ որ բան այն չի արել և պիտի դասեր քաղի…
Ընդհանուր առմամբ ՏԻՄ ընտրությունների նախնական արդյունքներով 24 համայնքներում ՔՊ֊ն առաջատար է։
Հնարավոր է ևս մի քանիսում կոալիցիա կազմի և մեծամասնություն ձևավորի։
Շնորհավորում եմ հաղթած թեկնածուներին և «ՔՊ» թիմին։ Մաղթում եմ բեղմնավոր աշխատանք»։
