Civic.am-ի տեղեկություններով՝ Եղեգնաձոր խոշորացված համայնքի ՏԻՄ ընտրություններին մասնակցող «Դավիթ Հարությունյան» դաշինքի համայնքապետի թեկնածու Դավիթ Հարությունյանը և դաշինքի շտաբը համակարգողներից Գևորգ Սաքանյանն այսօր բերման են ենթարկվել։
ՀՀ Հակակոռուպցիոն կոմիտեից Civic.am-ի հետ զրույցում հաստատեցին, որ նրանց առնչվող քրեական գործ է քննվում, միաժամանակ տեղեկացրին, որ գործի շրջանակներում ձերբակալված անձինք չկան ու այլ մանրամասներ չեն կարող հաղորդել։
Նշենք, որ մեր ունեցած տեղեկություններով՝ հարուցված քրգործը չի առնչվում ընտրական հանցագործություններին։
