«Այսօր Շիրակ աշխարհի սրտում ներկա գտնվեցի ԿԳՄՍ նախարարության Գյումրու ձմեռային մարզաձևերի մասնագիտացված դպրոցի մեր պատանիների մարզումներին։ Դահուկներով մարզումները մեկնարկել են Աշոցքի տարածաշրջանի Վարդաղբյուր գյուղի հարևանությամբ գտնվող ձյունաշատ տարածքում՝ պատրաստվելով «Մրցաշրջան-2022»-ի մրցումներին»,- իր ֆեյսբուքի էջում գրել է Շիրակի մարզպետ Նազելի Բաղդասարյանը և հավելել. «Ի դեպ, մարզօջախի սաներից Գոհար Հովհաննիսյանը/Գյումրի/ և Նարեկ Ներսիսյանը/Ցողամարգ/ դեկտեմբերի 7-ին կմեկնեն Իտալիայի Թուրին քաղաք՝ մասնակցելու դահուկավազքի միջազգային ֆեդերացիայի կողմից կազմակերպված մարզական ճամբարին»:
