Որոշ համեմունքներ սննդակարգում ներառելը կարող է թեթևացնել արթրիտով պայմանավորված հոդացավերը, ասել է սննդաբան Մայքլ Մոսլին Daily Express-ում:
Օրգանիզմի վրա դրական ազդեցություն ունեցող չորս համեմունքներից առաջինը քրքումն է։ Դրա ակտիվ բաղադրիչը՝ քուրքումինը, համարվում է ցավազրկող:
«Քուրքումինը արգելափակում է բորբոքային ցիտոկինները և ֆերմենտները երկու բորբոքային ուղիներում»,- խորհուրդ է տվել բժիշկը։
Կայենյան պղպեղը և այլ չոր չիլի պղպեղները նույնպես օգնում են պայքարել հոդացավերի դեմ՝ թեթևացնելով այն: Պղպեղի այս տեսակները պարունակում են միացություններ, որոնք հայտնի են որպես կապսաիցինոիդներ: Դրանք ունեն հակաբորբոքային հատկություններ:
Ըստ մասնագետի՝ սննդակարգում պետք է ավելի շատ դարչին ներառել։ «Այն պարունակում է ցինամալդեհիդ և ցինամինաթթու, որոնք երկուսն էլ ունեն հակաօքսիդանտ հատկություններ և օգնում են ճնշել ազատ ռադիկալների հետևանքով առաջացած բջիջների վնասը», – ասվում է հետազոտության մեջ:
Մեկ այլ օգտակար բաղադրիչ՝ կոճապղպեղը ևս, ունի բնական հակաբորբոքային ազդեցություն։
