Թուրքիայի Հաթայ նահանգում գտնվող Հաբիբի Նեջար լեռան վրա սեպտեմբերի 6-ին հրդեհ է բռնկվել, այս մասին հայտնում են թուրքական ԶԼՄ-ները։
Հրդեհի վայրում հրշեջ և անտառային պահպանության ծառայությունները հրդեհաշիջման աշխատանքներ են իրականացնում։
Թուրքիայում օրեր շարունակ փորձում են մարել երկրի հարավային շրջաններում տարածվող անտառային հրդեհները, որոնք հասել են առողջարանային քաղաքներին: Այս մասին գրում է BBC News-ը` տեսանյութ հրապարակելով, թե ինչպես են մարդիկ փախչում հանրահայտ զբոսավայրերից:
Զբոսաշրջիկները փորձում են մեքենաներով և նավակներով հեռանալ կրակների ճիրաններում հայտնված ափամերձ հանգստավայրերից, որտեղ կարմիր երկինքը պատվել է կրակից բարձրացող ծխով:
Հիշեցնենք, որ նախօրին տարհանվել էին մի շարք հյուրանոցներ Մարմարիս, Անթալիա, Բոդրում և այլ քաղաքներում:
Աղբյուրի տվյալներով` արդեն հաջողացվել է մեկուսացնել կրակի 120 օջախ, սակայն հրշեջները շարունակում են պայքարել տարածվող կրակի դեմ: Հայտնի է, որ տարերային աղետի հետևանքով զոհերի թիվը երկրում հասել է 8-ի:
