Ֆրանսիայի Սավոյա դեպարտամենտում թեթևշարժիչային տուրիստական ինքնաթիռ է կործանվել։ Այս մասին հայտնում է Le Parisien թերթը ՝ վկայակոչելով տեղի պրեֆեկտուրան։
Միջադեպը տեղի է ունեցել Սեն Կոլոմբան դե Վիլլար քաղաքի մոտ գտնվող լեռնային տեղանքում: Վթարի հետևանքով երեք մարդ է զոհվել։ Ուղևորներից մեկը հասցրել է ցած նետվել ընկնող ինքնաթիռից, այժմ նա հիվանդանոցում է, նրա առողջական վիճակը բժիշկները գնահատում են ծանր։
«Վթարի հանգամանքները ներկայումս հայտնի չեն և կորոշվեն դատական հետաքննության շրջանակներում», – հայտարարել են պրեֆեկտուրայում:
