«Առաջին լրատվական»-ի հարցերին պատասխանել է պաշտպանության նախկին փոխնախարար, գեներալ Գագիկ Մելքոնյանը
Ռոբերտ Քոչարյանը իր համակաիրների հետ հանդիպմանը հայտարարել է, որ սա արհեստածին պատերազմ էր. «Մենք սա ապացուցելու ենք, իշխանությունները չեն հասկացել ու չեն ընդունում իրենց մեղքը: Մենք ցույց ենք տալու, թե ով է մեղավոր, նաև այն, թե այս արհավաիրքն ինչպես է կախվել մեր երկրի գլխին»,-ասել է նա: Որտեղի՞ց նրան այդ վստահությունը, որ սա արհեստածին պատերազմ է եղել:
Եթե ինքն ասում է, որ արհեստածին է, ուրեմն գիտի՝ դրա հիմքերը որտեղից են գալիս: Իսկ հիմքերը գալիս են իր նախագահության ժամանակներից, սկիզբն այն ժամանակ է դրվել: Իրենք չկարողացան ապացուցել, որ մենք օկուպանտներ չենք: Ամբողջ աշխարհին ադրբեջանցին ապացուցեց, որ մենք օկուպանտ ենք և գրավել ենք իրենց երկրի տարածքները: Ինքն ասում էր՝ մենք ազատագրել ենք մեր տարածքները, բայց ինքը կարողացա՞վ ապացուցել աշխարհին, որ դրանք մեր տարածքներն են, մենք էլ ազատագրել ենք: Ինքն ո՞ւմ ապացուցեց, որ տարածքները մերն են: Այն դեպքում, երբ ինքը գնում և Ստամբուլի գագաթաժողովում ստորագրում է մի փաստաթղթի տակ, որով հաստատվում է մեր հարևան երկրների տարածքային ամբողջականությունը: հետո ինքը ապացուցե՞ց, որ այդ հողերը Ադրբեջանինը չեն, հայաստանինն են կամ Արցախինը: Այսինքն հիմքը դրեց այդ օրվանից, երբ իրենք մեզ սարքեցին օկուպանտ, իսկ Արցախին էլ դուրս մղեցին բանակցային գործընթացից: Պատերազմի հիմքը այդ օրվանից է դրվել: Այս պատերազմը, որ ինքն ասում է՝ արհեստածին է, թող նախ ասի, թե երբ եկավ Ղարաբաղ, ի՞նչ արեց, որ իր գալ-գնալուց հետո սկսեց խուճապ մտնել բանակի մեջ ու փախուստ եղավ: Այդ ինչպես եղավ, որ իր գալ-գնալուց հետո իր համախոհ գեներալները ոնց կազմակերպեցին մեր բանակի պարտությունը, ոնց չմասնակցեցին պատերազմին: Թող դրա մասին խոսի:
Քոչարյանը նաև ասել է, որ իրենց ռադիկալ ընդդիմություն են լինելու խորհրդարանում, որպեսզի ընդդիմության նկատմամբ հասարակության վերաբերմունքը փոխվի:
Ինքը նախ պետք է կարողանար հասարակության վերաբերմունքն իր նկատմամբ փոխել: Հսկայական գումարներ ծախսեցին, և այդքանից հետո ժողովուրդը ձայն չտվեց իրենց, որովհետև էս ժողովուրդն իրենցից զզվում է, ատում է իրենց: Եթե ինքը էդքան «վոին» էր, թող գար պետերազմի ժամանակ Ստեփանակերտում իր շուրջ հավաքեր իր բոլոր գեներալներին, ասեր՝ մենք պետք է միասնական ձևով պատերազմը հաղթենք կամ կասեցնենք: Այդ ո՞նց եղավ, որ առաջին պատերազմի ժամանակ համարյա 50 տոկոսը զոհվել են հայաստանցիները, 50 տոկոսը՝ ղարաբաղցիները, իսկ այս պատերազմում երևի ղարաբաղցի զոհերի թիվը եղել է մոտ 500, հայաստանցիներին՝ 3500: Ինքը էդ երկրի նախագահն է եղել, տեր-տիրականն է եղել, ինչի՞ փախավ: Իրեն Հայաստանո՞ւմ էր պաշտոն պետք, որ գար էստեղ վարչապետ դառնա՞ր: Թող գնար իր երկիրը պահեր: Ինքն այստեղ միտինգներ ու կոչեր էր անում, մենք էնտեղ իր երկիրն էինք պահում: Չնայած ամոթ էլ է ասել՝ իր երկիրը, դա մեր բոլորի երկիրն է, բայց իր ծննդավայրն է: Հիմա նորից մեյդան է ընկել, ի՞նչ պետք է անի: Այո, արի խորհրդարան, դարձիր ընդդիմություն, օգնիր, որ պետությունը սխալներ թույլ չտա ու մեր երկիրը գնա առաջ, ոչ թե կախվիր պետության ոտքերից ու քաշիր դեպի անդունդ:
Այսինքն իրեն չի հաջողվի ռադիկալ ընդդիմություն լինե՞լ, քանի որ հասարակությունը նրան այդպես էլ չընկալեց այս ողջ ընտրական պրոցեսում:
Հիմա դեռ թող գնան իրենց գումարները հետ բերեն: Արդեն ամբողջ Հայաստանով մեկ «ռազբորկեք» են գնում, փողերն են հետ ուզում նրանիցց, որոնք ձայն չեն տվել: Խեղդում են փողերն են հետ վերցնում, մարդիկ էլ փողնում փախչում են Հայաստանից: Թող իր փողերին տիրություն անի, տեսնեմ կարո՞ղ է: Չի կարող: Իսկ մեր երկրին, մեր իշխանություններին իսկական ընդդիմություն է պետք, ոչ թե նրանց նման: Ինքը միշտ ասում էր՝ ես չեմ եկել մանդատի համար, ես եկել եմ իշխանություն վերցնելու համար, բայց ժողովուրդը իրեն ուղղակի շպրտեց մի կողմ:
Դրա համար Քոչարյանն արդեն սկսել է արտահայտվել և պիտակավորել ժողովրդին՝ ասելով, որ այս իշխանություններին քվեարկած հասարակությունն անառողջ է:
Մեր ժողովուրդը իմաստուն ժողովուրդ է, և վերջապես հասկացավ, որ այդ մարդիկ մեր երկրի մասին չեն մտածում, իրենք այս երկիրը ավերելու են, քանդելու են: «Հոկտեմբերի 27» ու «Մարտի 1» սարքեցին զուտ իշխանության համար, իշխանություն պահելու համար»: Հիմա էլ չի հաջողվի, վերջացել է իրենց ժամանակը: Հիմա իրենք թող մտածեն, թե իրենց արածների համար ոնց են պատասխան տալու:
