Երևանի Հանրապետության հրապարակում մեկնարկել է «Քաղաքացիական պայմանագիր» կուսակցության համապետական հանրահավաքը:
Հրապարակը լեփ-լեցուն է, վարչապետի պաշտոնակատար Նիկոլ Փաշինյանի հետ միասին բեմում են նաև Աննա Հակոբյանն ու նրանց երեխաները:
Ներկաները 1 րոպե լռությամբ նախ հարգեցին պատերազմի նահատակների հիշատակը, հնչեց ՀՀ պետական օրհներգն ու ներկաներին ողջունեց ՀՀ տարածքային կառավարման և ենթակառուցվածքների նախարարի պաշտոնակատար Սուրեն Պապիկյանը:
