Նա նշեց, որ իրենք ամեն ինչ անելու են, որպեսզի Չարենցավանը իր արդյունաբերական կենտրոնի երբեմնի փառքը վերանվաճի. «Անվտանգություն ասելով մենք պետք է գանք-հասնենք Չարենցավան, տեսնենք, թե Չարենցավանի հսկաներն ինչ վիճակում են, որովհետև անվտանգությունը սահմանով ոչ թե սկսվում է, այլ ավարտվում է. անվտանգությունը սկսվում է տնտեսության, արդյունաբերության մեջ: Եվ մենք գնալու ենք այդ ճանապարհով: Զինվորի թիկունքը պետք է դատարկ չլինի, նա իր հետևում պետք է զգա ոչ միայն ժողովրդի, այլև տնտեսության, արդյունաբերության, կրթության, գիտության ուժը»:
Փաշինյանն ընդգծեց. «Հայաստանում ձևավորվելու է նոր գիտական էլիտա. երկրին ծառայել ցանկացող երիտասարդ գիտնականների համար մենք ստեղծելու ենք բոլոր պայմանները: Նաև ավագ սերնդի այն գիտնականների համար, որոնք իրոք ծառայում են գիտությանը, ոչ թե կոռումպացված համակարգերին, ովքեր իրոք գիտնական են, ոչ թե եղել են Ռոբերտի կամ Սերժի նախընտրական քարոզարշավի միմոսներ: Նախընտրական քարոզարշավի այդ միմոսներին մենք վռնդելու ենք և ուղարկենք իրենց տները, թող գնան իրենց թոռներով զբաղվեն: Իրենց համար լավ բան ենք անելու. ասելու ենք՝ գնացեք ձեր տները և ձեր թոռնիկների հետ մաթեմատիկա պարապեք, էդ ա ձեր անելիքը, վերջ»:
