Իրանի հետախուզական ուժերը 3 ահաբեկչական խումբ են վնասազերծել։
Գրել է իրանական «Իռնա» լրատվական գործակալությունը՝ նշելով, որ կիրակի օրը հաղորդել է երկրի հետախուզության նախարարությունը՝ հաղորդելով երկրի հարավարևելյան նահանգում ահաբեկչական պայթյունի հեղինակներին ձերբակալելու մասին:
«Մարտի վերջին Սարավան քաղաքում [հարավարևելյան Սիստան և Բելուջիստան նահանգում] տեղի ունեցած ահաբեկչական պայթյունի հետևանքով զոհվեց 16-ամյա դեռահաս և վիրավորվեցին մի քանի այլ անցորդներ», — նշել է նախարարությունը:
Համաձայն հետախուզական գերատեսչության զեկույցի՝ ահաբեկչական գործողությունը կատարած «գործակալները կապված են եղել «Ջեյշ օլ-Զոլմ» խմբավորման հետ, որը վերապատրաստում է անցել օտար երկրում»:
Այս ահաբեկչական խմբից բացի, մեկ ուրիշը նույնպես վնասազերծվել է Իրանի հարավարևելյան Սիստան և Բալուջիստան նահանգում, որը սահմանակից է Պակիստանի Իսլամական Հանրապետությանը։
Հաղորդվում է, որ «Եվրոպայում հիմնավորված ահաբեկչական խմբավորման առաջնորդած այս խումբը փորձել է պայթյուններ և այլ ահաբեկչական հարձակումներ իրականացնել ամբողջ նահանգի կրոնական վայրերում՝ տարբեր կրոնների հետևորդների շրջանում տարաձայնություններ ստեղծելու համար»:
«Մեկ այլ ահաբեկչական խումբ հետախուզվել ու վնասազերծվել է հյուսիսարևմտյան Արևմտյան Ատրպատական [Ազերբայջան] նահանգում», — ասված է զեկույցում:
Արևմտյան Ատրպատականը սահմանակից է Նախիջևանի Ինքնավար Հանրապետությանը, Թուրքիային և Իրաքին։
Նշվում է, որ գործողության ընթացքում սպանվել է երկու ահաբեկիչ, և մեկը փախել է:
