Այսօր՝ մայիսի 13-ին, ժամը 14:30-ի սահմաններում Գյումրու Վազգեն Սարգսյան փողոցում Գյումրու բնակիչ, 24-ամյա Ա. Ս.-ն մոտոցիկլով վրաերթի է ենթարկել 14-ամյա Ի. Մ.-ին ու կողաշրջվել:
Պատահարի հետևանքով «Գյումրի» ԲԿ են տեղափոխվել մոտոցիկլիստը, վերջինիս ուղևորուհին ու վրաերթի ենթարկված անչափահաս աղջիկը:
«Հայկական ժամանակի» հետ զրույցում «Գյումրի» ԲԿ-ի փոխտնօրեն Արմեն Խաչատրյանն ասաց, մոտոցիկլավարին ամբուլատոր բուժում է նշանակվել, ուղևորուհին ստացել է բազմակի վնասվածքներ, ունի ազդոսկրի կոտրվածք: Գտնվում է վերակենդանացման բաժանմունքում: Վիճակն այս պահին գնահատվում է կայուն:
14-ամյա աղջիկը «Գյումրի» ԲԿ-ից տեղափոխվել է Ավստրիական մանկական հիվանդանոց:
