Օրերս կալանքից ազատվել է Արամ Վարդանյանը, որը առավել հայտնի է Վստրեչի Ապեր անունով։
Hraparak.am-ն է գրում ու հավելում, որ դատախազությունից հաստատել են տեղեկությունը՝ նշելով, որ Վարդանյանն ազատ է արձակվել մայիսի 3-ին՝ գրավով։
«Առաջին ատյանի դատարանը, որը, ըստ էության քննում է գործը, բավարարել է պաշտպանության կողմի միջնորդությունը։ Դատախազությունը այդ որոշման դեմ Վերաքննիչ բողոք է այսօր ներկայացրել»,-փոխանցել են դատախազությունից։
Հիշեցնենք՝Վարդանյանը ազատ էր արձակվել հունվարին 75 միլիոն դրամ գրավի դիմաց: Առաջին ատյանի դատարանի որոշման դեմ դատախազությունը բողոք էր ներկայացրել, որն էլ բավարարվել է եւ նա կրկին կալանավորվել էր։
