Չինաստանում ուղղաթիռ է կործանվել, որի արդյունքում զոհվել են անձնակազմի երկու անդամները, ևս երկուսն անհայտ կորել են: Դեպքը տեղի է ունեցել երկրի հարավում գտնվող Յուննան նահանգում: Այս մասին հայտնում է «Սինհուա» լրատվական գործակալությունը:
Նախնական տվյալներով, ուղղաթիռն ընկել է Էրխայի լիճը․ Օդանավում չորս մարդ է եղել:
Փրկարարները կարողացել են գտնել նրանցից երկուսին, սակայն նրանց կյանքը չի հաջողվել փրկել: Անհայտ կորածների որոնումները շարունակվում են:
