Ռուսական բանակը 2021թ կհամալրվի նորագույն «Дрель» ավիառումբով: Այս մասին «Ինտերֆաքս»-ին հայտնել է փոխվարչապետ Յուրի Բորիսովը:
«Փորձարկման արդյունքները հաստատել են «Дрель»-ի մարտական արդյունավետությունը»,- ասել է նա:
2018-ի մարտին հաղորդվել էր, որ նորագույն ավիառումբը կարող է նետվել ռուսական հինգերորդ սերնդի Cy-57 կործանիչների կողմից: Նրանցով հնարավոր է հարվածներ հասցնել թիրախներին ՝ առանց թշնամու հակաօդային պաշտպանության գոտի մտնելու:
Ռումբի նախագիծը մշակվել է НПО «Базальт»-ի կողմից և նախատեսված է զրահամեքենաների, ցամաքային ռադիոտեղորոշիչ կայանների, էլեկտրակայանների կառավարման կետերի և զենիթահրթիռային համակարգերի ոչնչացման համար: Ռումբի ստեղծողների հայտարարությամբ՝ այն անտեսանելի է ռադարների համար:
