Ֆրանսիական «Cap Coeur» մանկական երգչախումբը «France 3» հեռուստաընկերության եթերում կատարել է Շառլ Ազնավուրի «Քեզ համար Հայաստան» («Pour toi Arménie») երգը: Ելույթի տեսագրությունը ֆեյսբուքյան պաշտոնական էջում հրապարակել է Ֆրանսիայում ՀՀ դեսպանությունը:
Հեռուստահաղորդմանը մասնակից հյուրերի թվում է նաև ֆրանսահայ երգիչ Պատրիկ Ֆիորին, որը երգչախմբի ելույթի ամբողջ ընթացքում հուզվում է երեխաների կատարումից, ինչպես նաև՝ դուդուկահար Արտյոմ Մինասյանի, որը հանդես է գալիս երգչախմբի հետ:
Ելույթի ավարտին Ֆիորին բարձրանում է բեմ, հայերեն շնորհակալություն հայտնում փոքրիկներին, ապա ֆրանսերեն շարունակում․ «Շնորհակալություն, երեխաներ։ Դա հրաշալի էր։ Շատ, շատ, շատ գեղեցիկ է»։
