Թբիլիսիում 7 ամսական հղի 34-ամյա կինը մահացել է COVID-19-ից։
Դեպքը տեղի է ունեցել Բոկերիայի անվան հիվանդանոցում: Ապրիլի կեսերին հղիության յոթերորդ ամսում գտնվող մի կին բարձր ջերմությամբ տեղափոխվել էր մայրաքաղաքի Բոկերիայի անվան կլինիկա: Ավելի ուշ հիվանդի մոտ ախտորոշվել էր COVID-19:
Քանի որ նրա վիճակը ծանր էր, ապրիլի 24-ին բժիշկները որոշել էին դիմել ծննդաբերության արհեստական եղանակի: Սակայն մի քանի օր անց նորածինը մահացել է: Կնոջ կյանքը նույնպես հնարավոր չի եղել փրկել։
