«Նախապես ասեմ՝ մերժելու ենք…». ՀՀ վարչապետի գլխավոր խորհրդական Արայիկ Հարությունյանի ֆեյսբուքյան գրառումն է, որ արել է րոպեներ առաջ:
Հարությունյանը, այսպիսով, ենթադրաբար, կեսկատակ արձագանքել է առաջին նախագահ Լեւոն Տեր-Պետրոսյանի՝ քիչ առաջ տարածած հայտարարությանը, ըստ որի՝ մայիսի 1-ին հանդիպել է Սերժ Սարգսյանի հետ՝ նրան առաջարկելով սպասվող ընտրություններին մասնակցել ՀՀԿ-ՀԱԿ դաշինքով: Տեր-Պետրոսյանն ավելի վաղ նման առաջարկ էր արել նաեւ Ռոբերտ Քոչարյանին, սակայն նա մերժել էր:
Ինչպես հայտնի է, Տեր-Պետրոսյանի այս նախաձեռնությունները բացասաբար են ընդունել նրա ղեկավարած ՀԱԿ կուսակցության բազմաթիվ անդամներ, Մարտի 1-ի զոհերի հարազատներ…:
