Սիրիայի Արաբական Հանրապետության արտաքին գործերի նախարարությունը դատապարտում է Թուրքիայի ռազմական իշխանությունների անմարդկային վերաբերմունքը հյուսիս-արևելյան Հասեքե նահանգի բնակչության նկատմամբ: Ինչպես հաղորդվում է Դամասկոսի արտաքին քաղաքական գերատեսչության հայտարարության մեջ, որը կիրակի օրը փոխանցվել Է SANA գործակալությանը, թուրք զինվորականներն առանց խմելու ջրի են թողել Սիրիայի համանուն նահանգի վարչական կենտրոնի՝ Հասեքե քաղաքի ավելի քան 1 մլն բնակիչների:
«Թուրքական օկուպացիոն ուժերը եւ նրանց վարձկանները 16 օրով փակել են քաղաքի եւ դրան հարող շրջանների ջրամատակարարումը՝ դադարեցնելով Հալյուքի ջրի կայանի աշխատանքը Հասեքեից հյուսիս», — նշվում է փաստաթղթում:
Սիրիայի ԱԳՆ-ն ՄԱԿ-ի Անվտանգության խորհրդի եւ Կարմիր խաչի միջազգային կոմիտեի ուշադրությունն է հրավիրում «Թուրքիայի հանցավոր գործողությունների վրա, որը անտանելի պայմաններ է ստեղծում Սիրիայի քաղաքացիների կյանքի համար երկրի հյուսիս-արեւելքում»:
Փաստաթղթում ընդգծվում է, որ Անկարան 2019 թվականի հոկտեմբերից ի վեր շարքից հանել է ալուպկի կենսական նշանակության օբյեկտը 23 անգամ, այդ թվում ՝ գնդակոծությունների եւ ռմբակոծությունների հետեւանքով: «Դամասկոսում պահանջում են վերջ դնել այդ հակամարդկային պրակտիկային անմեղ բնակիչների դեմ, որոնց կորոնավիրուսի պանդեմիայի շրջանում զրկում են խմելու ջրից», — ասված է Սիրիայի ԱԳՆ հայտարարության մեջ:
SANA գործակալության տեղեկություններով՝ սիրիացի ինժեներներին շաբաթ օրը թույլ են տվել Հալյուքի օբյեկտում վերանորոգման աշխատանքներ իրականացնել, եւ առաջիկա ժամերին Հասեքե քաղաքի ջրամատակարարումը պետք է վերականգնվի:
