Դանիել Իոաննիսյանն իր ֆեյսբուքյան էջում գրել է․
Մեղրիում և Ագարակում այսօր որոշ անձանց դրսևորած պահվածքը առրևույթ պարունակում է խուլիգանության հատկանիշներ:
Հանրային իշխանության մարմինները պետք է ապահովեն օրինականությունը և խուլիգանություն կատարողների, նրանց դրդողների ու կազմակերպիչների պատժի անխուսափելիությունը:
Ցավում եմ, որ Հայաստանի ոստիկանության կարողությունները այնքան թույլ են, որ մարդիկ կարող են օրը ցերեկով, փողոցում, հանրային վայրում հայհոյանքներ բղավել ու դա չի առաջացնում տեղում ներկա ոստիկանների միջամտությունը:
Ոստիկանությունը պետք է ունենա բավարար կարողություններ՝ ոստիկանի ներկայությամբ հանցագործություն կատարող անձանց ամինջապես բերման ենթարկելու ու հանցագործության ընթացքը խափանելու համար:
Իսկ խուլիգանական պահվածքը պետք մերժվի հանրության կողմից՝ անկախ Նիկոլ Փաշինյանի նկատմամբ վերաբերմունքից: Իշխանության ներկայացուցչի դեմ բողոքը կարող է և պետք է լինի առանց բռնության, բռնության կոչերի ու հայհոյանքների:
