Եթե տարեց մարդը հիմնական հիվանդության դեմ լավ դեղորայքային թերապիա է ստանում, և բոլոր ախտանշանները վերահսկվում են շատ հուսալիորեն, ապա ծանր COVID-19-ի վտանգը նվազում է՝ համեմատած այն հիվանդների հետ, որոնք հիվանդության բուժումը թերի է, այդ մասին «ՌԻԱ Նովոստիին» ասել է Մոսկվայի առողջապահության դեպարտամենտի մասնագետ Նադեժդա Ռունիխինան:
«Այժմ հրապարակվել են նոր տվյալներ, և պարզվել է, որ կորոնավիրուսով հիվանդ տարեց հիվանդներն ունեցել են ամենածանր ընթացքը և առավել անբարենպաստ արդյունքները, եթե նրանց մոտ եղել է չվերահսկվող զարկերակային հիպերտոնիա: Այսինքն, եթե հիվանդության պահին նրանք չեն ընդունել զարկերակային բարձր ճնշման դեմ դեղամիջոցներ, ապա ունեցել են ամենածանր արդյունքները:
Նույնիսկ կորոնավիրուսով վարակվելու հավանականության տեսանկյունից, եթե մարդը լավ դեղորայքային թերապիա է ստանում, և բոլոր ախտանշանները հուսալիորեն վերահսկվում են, ապա ծանր ընթացքով կորոնավիրուսով հիվանդանալու վտանգը կրճատվում է՝ համեմատած այն հիվանդների հետ, որոնք հիվանդության բուժումը թերի է ընթանում», – ասել է Ռունիխինան։
Նրա խոսքով ՝ տարեց մարդու համար, որը, որպես կանոն, ունի մի քանի հիվանդություն, շատ կարևոր է անընդհատ գտնվել բժշկական հսկողության ներքո: Հետևաբար, ի հայտ եկած ցանկացած ախտանշանի, առողջական վիճակի ցանկացած փոփոխության դեպքում անհրաժեշտ է դիմել բժշկի:
