Արևմուտքը Ռուսաստանի հետ հարաբերություններում պետք է որոշի կարմիր գծերը, որոնց վրայով պետք չէ անցնել։ Այս մասին հայտարարել է Ֆրանսիայի նախագահ Էմանուել Մակրոնը CBS հեռուստաալիքին տված հարցազրույցում:
«Մենք պետք է հստակ կարմիր գծեր մշակենք Ռուսաստանի հետ հարաբերություններում»,- ասել է նա:
«Ես կարծում եմ, որ անթույլատրելի վարքագծի դեպքում պետք է պատժամիջոցներ սահմանել»,- նշել է Ֆրանսիայի նախագահը:
Միաժամանակ, նա նշել է «կառուցողական երկխոսության» անհրաժեշտությունը՝ ընդգծելով, որ «չպետք է սահմանափակվել պատժամիջոցներով»:
«Մեզ հարկավոր է ազնիվ և բաց երկխոսություն Ռուսաստանի հետ»,- հավելել է Մակրոնը:
