Եկեղեցիներում Ճրագալույցի Պատարագ մատուցվեց

Հայկական եկեղեցիներում Ճրագալույցի Սուրբ Պատարագ է մատուցվել: Ամենուր վառվել են Քրիստոսի Հարությունն ավետող ջահերն ու կանթեղները: Հրաշափառ Սուրբ Հարության ավետիսով ավարտվում է 48-օրյա Մեծ պահքը, և սկսվում է Սուրբ Հարության տոնը:

Սուրբ Զատկի Ճրագալույցի Պատարագին կատարվել է նախատոնակի արարողություն։ Ավետարանի ընթերցումից հետո հանդիսապետ հոգևորականը շարականների, տաղերի երգեցողության ներքո բուրվառով խնկարկել է եկեղեցում հավաքված հավատացյալներին և ի լուր ամենքի հնչեցրել կյանք պարգևող ավետիսը՝ «Քրիստոս յարեաւ ի մեռելոց»: Ի պատասխան հնչել է «Օրհնեալ է Յարութիւնն Քրիստոսի»։

Պատարագի ավարտին հավատացյալները եկեղեցու խորանի կանթեղներից վառել են մոմեր և տարել իրենց տները։

Հարության տոնը կամ Զատիկն այս տարի նշվում է ապրիլի 4-ին։

Loading

Մի մոռացեք կիսվել Ձեր ընկերների հետ