ԱԺ պատգամավոր Արսեն Ջուլֆալակյանը ոսկե մեդալ է նվաճել Ֆրանսիայում

Հունահռոմեական ոճի ըմբշամարտի Հայաստանի ազգային հավաքականը Ֆրանսիայի Նիս քաղաքում մասնակցել է նոր մրցաշրջանում առաջին միջազգային մրցաշարին:

Մեր ըմբիշները գոտեմարտել են յոթ քաշային կարգում, որից վեցում բարձրացել են պատվո պատվանդան: Ոսկե մեդալ նվաճել են ԱԺ նորընտիր պատգամավոր, օլիմպիական խաղերի արծաթե մեդալակիր, աշխարհի չեմպիոն Արսեն Ջուլֆալակյանը՝ 77 կգ քաշային կարգ, Ռուդիկ Մկրտչյանը՝ 55 կգ, Կարեն Ասլանյանը՝ 67 կգ եւ Հրանտ Կալաչյանը՝ 72 կգ, բրոնզ՝ Գեւորգ Ղարիբյանը՝ 60 կգ ու Արթուր Շահինյանը՝ 97 կգ:

Արսեն Լևոնի Ջուլֆալակյան (ծն. 1987, մայիսի 8, Գյումրի), հայ հունահռոմեական ոճի ըմբիշ, 2012թ. Օլիմպիադայի արծաթե մեդալակիր, 2014թ. Աշխարհի չեմպիոն, 2010թ. Աշխարհի գավաթի հաղթող, 2009թ. Եվրոպայի չեմպիոն, ՀՀ ԱԺ 7-րդ գումարման պատգամավոր։

Եվրոպայի առաջնության փոխչեմպիոն (2014), Աշխարհի առաջնության բրոնզե մեդալակիր (2013), Եվրոպայի առաջնության բրոնզե մեդալակիր (2012), աշխարհի արծաթե (2010) և բրոնզե (2011) մեդալակիր։ 2008, 2012 և 2016 թթ. Օլիմպիական խաղերի մասնակից։