Մարդու իրավունքների պաշտպան Արման Թաթոյանը հարցազրույց է տվել ֆրանսալեզու «L’Orient-Le Jour» թերթին՝ խոսելով Ադրբեջանում գերության մեջ գտնվող Մարալ Նաջարյանի մասին։ Ըստ Պաշտպանի՝ նա քաղաքացիական գերի է և պետք է անհապաղ ազատ արձակվի։ Սոցիալական ցանցերում Մարալի ընտանիքը տարածում է #FreeMaral հեշթեգը՝ հուսալով, որ լրատվամիջոցների լուսաբանումը կկանխի Ադրբեջանի կառավարության կտրուկ քայլերը: Ադրբեջանական կողմից, առանց ապացույցների, գրառումներ են շրջանառվում, որոնցում Նաջարյանը ներկայացվում է որպես հանցագործ:
«Տեղեկատվությունն ակնհայտորեն ամբողջովին կեղծ է և հակասում է մարդու իրավունքների միջազգային սկզբունքներին: Այս մեղադրանքների նպատակն է արհեստականորեն դանդաղեցնել գործընթացը՝ դատական գործընթացի չարաշահման միջոցով մեր ռազմագերիներին և պատանդներին որպես ահաբեկիչներ կամ հանցագործներ ներկայացնելով»,- ասել է Արման Թաթոյանը: Առայժմ Լիբանանի իշխանությունները հրապարակավ չեն մեկնաբանել Մարալ Նաջարյանի գործը:
