Սահարա անապատից Եվրոպայի ուղղությամբ շարժվում են փոշու և ավազի ամպեր, որոնք շուտով կհայտնվեն Ֆրանսիայում և Իսպանիայում, հայտնում է Copernicus ծառայությունը։ Փոշու դեղին ամպերը կարող են հասնել նաև մինչև Սկանդինավիա, ինչպես նաև Մեծ Բրիտանիա և Իռլանդիա։
Իսպանիայում սպասվում են «ցեխոտ անձրևներ»։ Ցրտերից հետո փոշու ամպի տեղաշարժը կարող է զգալիորեն բարձրացնել ջերմաստիճանը, ինչպես նաև տեսանելիության վատթարացման պատճառ դառնալ։
Հիշեցնենք, որ փետրվարի սկզբին եվրոպական մի շարք քաղաքների երկինքը Սահարայից եկող ցիկլոնի պատճառով նարնջագույն էր դարձել։
