Հնդկաստանի Անդրա Պրադեշ նահանգի Մայլավարամ քաղաքում շաղափուկները (տերմիտ կամ սպիտակ մրջյուն) թափանցել են սնդուկ և կերել ֆերմերի կես միլիոն ռուփի խնայողությունը, հաղորդում է Newsflare- ը:
Խոզաբուծությամբ զբաղվող 52-ամյա Բիժիլի Ջամալայան իր փողերը պահում էր հին երկաթե սնդուկում: Նրան հաջողվել էր կուտակել 500 հազար ռուփի (510,2 հազար ռուսական ռուբլի) գումար, որը նախատեսում էր ծախսել տուն կառուցելու վրա:
Ջամալայան նկատել էր վնասը, երբ բացել էր սնդուկը՝ ընթացիկ ծախսերի համար գումար հանելու համար։ Բացելով սնդուկը՝ նա հայտնաբերել էր քրքրված թղթադրամների կապոցներ։
Տղամարդը դիմել է ոստիկանություն։ Նրան օգնություն են խոստացել։
Նմանատիպ դեպք Հնդկաստանում արձանագրվել էր նաև 2017-ին, երբ այծը կերել էր մի կապ ռուփի, որը գյուղացին մտադիր էր ծախսել աղյուսներ գնելու վրա: Գումարը եղել էր նրա տաբատի գրպանում, որը տղամարդը թողել էր լոգարանի դռան դիմաց: Երբ նա դուրս էր եկել լոգարանից, կենդանին արդեն ոչնչացրել էր երկու հազար ռուփի արժողությամբ 29 թղթադրամ:
